„პერსონალურ მონაცემთა დაცვის შესახებ“ საქართველოს ახალი კანონის თანახმად მონაცემთა დაცვის ოფიცრის დანიშვნის ვალდებულება აქვთ: საჯარო დაწესებულებებს, სადაზღვევო ორგანიზაციებს, კომერციულ ბანკებს, მიკროსაფინანსო ორგანიზაციებს, საკრედიტო ბიუროს, ელექტრონული კომუნიკაციის კომპანიებს, ავიაკომპანიებს, აეროპორტებს, სამედიცინო დაწესებულებებს აგრეთვე დამუშავებისთვის პასუხისმგებელ და/ან დამუშავებაზე უფლებამოსილ იმ პირებს, რომლებიც ამუშავებენ დიდი რაოდენობით სუბიექტების მონაცემებს ან ახორციელებენ მათი ქცევის სისტემურ და მასშტაბურ მონიტორინგს. მონაცემთა დაცვის ოფიცრის ამოცანების და ფუნქციების სრულფასოვნად შესასრულებლად საჭიროა მაღალკვალიფიციური და მონაცემთა დაცვის სპეციფიკაში ღრმად გარკვეული თანამშრომელი. ასეთი კომპეტენციის პროფესიონალების პოვნა ან გადამზადება საკმაოდ დიდ ხარჯებთან არის დაკავშირებული, ორგანიზაციის უმეტესობისათვის შესაძლებელია უფრო მომგებიანი იყოს მონაცემთა დაცვის ოფიცრის გარე მომსახურებით სარგებლობა. მონაცემთა დაცვის გარე ოფიცერს, თქვენი ორგანიზაციის საქმეების მოწესრიგებისას ზურგს უმაგრებს Privacy Logic Group-ის სერტიფიცირებულ პროფესიონალთა გუნდი, რომელსაც აქვს მრავალწლიანი საერთაშორისო თუ ადგილობრივი, მათ შორის მონაცემთა დაცვის საზედამხედველო ორგანოში მუშაობის გამოცდილება. მისი სახით, თქვენს სამსახურშია არა მხოლოდ ერთი ადამიანის კომპეტენცია, არამედ მრავალმხრივი კომპეტენციის მქონე პროფესიონალთა გუნდის გამოცდილება, რომელსაც შეუძლია როგორც სამართლებრივი, ისე ორგანიზაციულ-ტექნიკური საკითხების გადაჭრა და მოგვარება.